quote:

Thiini wa Histroria ya Mau Mau, ni Kwari Mau Mau General wetagwo kahiu Itina. Gutiri Ngeneral wa Mau Mau uteri ritwa ria wira. Kimathi eitaga General Russia. Ritwa Kahiu Itina rioimanite na uria Maathai Mohagirira ruhiu haha thende-ini.

Ningi, kuuria LOCO 16, ni kwari muthigari muthungu, wetagwo Waitina ni andu. Rwibo ruu rwa Kamaru ndaruigwite gatene. Ndirageririe kurora kana ndina mukwa wi na rwimbo rui, ndiraga. Angikorwo ni rwimbo Kamaru anaga akiririkana muthenya uria nyumba cia cinirwo Kariara LOCO 16, no nginya akorwo aragia uhoro wa thigari iria ciatongoragio ni Waitina. Mundu uria uikaine wega wari murumiriri wa Waitina, etagwo Speaker Ngithu. Thinii wa Fort Hall gati iria ciari njuru muno ni kimendero na Speaker. Speaker ni ithe wa Muigai Githu, Rose Waruhiu na Grace Githu.

Kungikorwo rwimbo ruru rwaragia uhoro wa thigarii cia Mau Mau, no tukiugire ati Waitina ni General Kahiu Itina.

quote:

Ii niguo Nyaciara wa mundu ni “inlaw”. Tareke nguthathaurire utiganu wa nyaciarawe, iciciarawe na muthoniwe. Mutumia ni we witaga nyina wa muthuriwe nyaciara na agacoka ageta ithe wa muthuriwe iciciara. Nake muthuri ageta aciari a mutumia wake athoni.

quote:

Wa’Kihia ndugacoke kuigua thoni. Andu a metumi ndigi maguru ni kumenya mamenyete maundu matamenyetwo ni andu aya angi. Tondu ni mathogoranaga na ikamba, ni kuo marutire uhoro wa kwigemagia na bangiri. Mekiraga bangiri maguru. Maathii gucera Rware, andu a Rware nio mambiriirie kumeta andu a metumi ndigi maguru. Andu a Rware mationete bangiri, meciragia ati ageni aya ni ndigi metumite nacio maguru. matiemenyaga ati bangiri ciekiragwo ni itonga.