Papa Daad,
Mahunjio mau maku ni marikiru muno na ma bata muno. Ukoraguo wi muhunjia kana? Wandirikania muthuri wa Mumbicobu munene wa Kanitha witu witaguo David Gitari wahunjagia ta we. No njaguti cia thirikari iria yari ho itiendaga kumuigua tondu ameraga ma.

Rekei turugame na iguru tugoce Ngai na ruimbo ruru ruguitwo Amukira Ngatho Ciakwa. Mundu wa karing'aring'a na wa ndarama niugutuarana na ithui. Mundu wa kananda ta tuhuhire tiuni tuminyite:

Amûkîra ngatho ciakwa Ngai wakwa
Nîûndu wa wendo mûingî ûnyonetie
Watûmire mûrûguo kristo Jesû
Ndigetigîre rîrîa rîothe ndî thî

Amûkîra amûkîra ici
Ngatho ciakwa
Kuuma unini-inî wakwa
Nînguonete
Wî mwega wî mwega wee
Ukîambarario
Riu ûmûthî na rûciû kinya tene


Ngatho ici ndacitûma Ngai wakwa
Nîûndû wa ciama nene uningîire
Ûrotura ûkumagio hîndî ciothe
Nîûndû wa wendo mûingî
Imanûeri

Hiti na ndihû nene cianangora
Rîmwe niî ngetigîra ngaigua guoya
Roho ûrîa waheire nîguo ndorie
Ngona anyitîte guoko ngomîrîria

Rekei turugame na iguru tuhoe,
Mwathani mutura muoyo ni tuoka mbere yaku mahinda maya, tugigucokeria ngatho ni kiheo kia muoyo. Nitukuambararia na tukumie ritwa riaku ni undu wa o umwe witu wi giikaro-ini giki. Ni wega Ngai ni maundu maria mothe utuikiire ngumo na ugoci irogigucokerera.
Mandiko maku maroiga haria andu eri kana atatu magomanite ni undu wa ritwa riaku, niukamahe kiria makahoya. Tuhingirie mabata maitu mothe maria turi na mo, me ma mawira, ma mbeca, na maria mangi tutangihota kugueta haha no ni umoi.
Nitungiririkana aria othe magandite miiri yao kahinda-ini gaka, ati ungituika wa kumahutia na guoko gwaku kuri uhonia, ni getha macokere miturire yao na makugocithagie.
Turia thayu, wendani na ngwataniro nyumba ini ya kik.com ni getha tuthii na mbere na gukurania meciria na kunyitanira uguo tunyitaniire. Hutia o umwe witu nyumba-ini ino Mwathani. Na riu tukiumagara, nituahoya ati utongorie o umwe witu na tungigacemania hindi iyo ingi nitugagucokeria ngatho na tuge ni wagiriire. Ni undu twahoya ritwa-ini ria Jesu Kristo Mwathani witu....
AMEN

Nguataniro iyo ingi ni ya aramithi ino yukite na igakorwo kwa Papa Daad. Mugoka na Gikunjo, karing'ang'a, ndarama, kananda, nyimbo cia kiroho.

Murathimwo.

Papa Daad,
Kai wariganiruo ni ni kuga andu magoka na muhothi

Nyumba

Rekei tuhoe,Nituinamie maitho maitu na uria wi na ngubia no arute.

Ngai mwega,Ngai wa iburahimu,jakubu na ithaka,nitacokia ngatho citu nigutumenyerera ona gutucokaniriria haha hari ngwataniro ino.

Nitweneana bere yaku na twneana ona micii itu mbere yaku.

Thirurukiria o umwe witu na thakame theru ya jesu kristu iria yaitiwo mutharabaini niundu wa mehia maitu.

Turathime na urathime arata onathu citu oan aria twitainwo nao aria mari haha ona mari okuria mari.

Niweneana hari we ona igongona riri nitwarineana hari w.

tuika mutongoria ona murikiriria witu.

na ithuothe nitukuuga
Amen

Thayu nyumba

Amen!

Papa Daad,
Rathimwo. Ni weka wega ni kiugo kiu giaku. Nitatureciragia undu umwe tondu umuthi ndokira ndaigua o kuina ruimbo ruru:

Bauru andikiire kanitha wa Abilipi
Hindi iria ohetwo ni undu wa uhoro wa ma
Niacokagia ngatho ni kuguatanira
Ni undu wa kumenda, nao makamwenda.

Bauru akimera, ninjokagia ngatho
Nangamuhoera ngwataniro iyo iture
Na wendo uingihe, wa kuguatanira
Na ni uhoro wa ma, kuhunjia uhoro wa ma
Na kuguatanira

Reke ndute Gikunjo kamuhuko-ini karia ngukite nako ngukaigiriire haria ndiro iguru niguo ndimuthomere mihari iyo Papa Daad ahoya ithomwo.

hareruya! Ngai agochwo ,ndiraigwa ngihiahia ni uira uguo hei kamweke kamuira N gunjiri arute gikunjo.
nikahinda gathiangu kuma riria njiriga ngwataniro no nditithitie kana ngathangania ndiri omugendi,
amukirai ngeithi cia mombatha guku turi o rungu rwa itu.
ngai amurathime.

Papa Daad,
Ii ni ma ona nii ngugaga niho ndiraigiriire muhuko ucio wa mabuku ma ngwataniro. No nindona kari o haha njiakaire rungu wa giti giki njikariire. Reke tuhumburie mabuku maitu Jeremiah 35: 1-19. Namba cia maguru-ini ni 926. Mwona no twambiriire.

...INO NIYO ndumiriri iria yakinyirûre Jeremia yumite he Jehova matuku ma Jehoiakimu, muru wa Josia, muthamaki wa Juda akiiruo atiri, "Thii kwa Arekabu mucii, warie nao, ucoke umatware nyûmba ya Jehova, ûmatonyie kanyûmba kamwe ga tunyûmba twayo, umahe ndibei manyue, Nii na nii ngikioya Jaazania, muru wa Jeremia wa Habazinia,
na ariu a ithe, hamwe na ariu ake othe, o na andu othe a nyûmba ya Arekabu; ngikimatwara nyumba ya Jehova thiini, ngimatonyia kanyûmba ka ariu a Hanani wa igidalia , mundu wa Ngai, o kau kaari gukuhi na kanyumba ka anene, hau igûru ria nyûmba ya Maaseia wa Shalumu, muikaria wa murango; ngicoka ngiigira ariu acio a nyumba ya Arekabu mbakûri mbere yao, ciiyûrite ndibei, o na ngimaigira ikombe, ngikimera uu: "Nyuai
ndibei ino. No o makiuga atiri, tutikunyua ndibei; ni undu Jonadabu wa Rekabu, ithe witu, niaatwathire, akiuga uu: Mutikananyuc ndibei..

NGAI AROGOCHWO!
Ibuku riri riraturuta ndeto njega na yakuguna ,uhoroini wa gwathika na makiria gwathikira ngai.
ciana ici cia rekabu cieritwo ni ithe wao itikananyue njohi onari na ikiigua na ikirumia uhoro ucio.
nake JEHOVA AKIONA CIANA cia Iciraeri uria cia remete niundu wa kwaga kumwathikira, agituma munabii wake ti Jeremia athii akaarie naciana icio cia rekabu,
JEREMIA THUTHA WA KWARIA NAO niakorire ati matianyuaga njohi tondu ni magiritio ni ithe wao .
uhoro wi haaha,NGAI ENDAGA KUONIA iCIRAERI URIA MAREMETE makaga gwika na kurumiririra wotho wajehofa.
nimaita maingi turiganagirwo ni gwika uria kwagiriire na tukarakaria Ngai .niwega twirute na ciana ici cia rekabu ii itu ikorwo ni ii na aca ikorwo ni aca .
rekei8 twathikire ngai na twikage maundu maitu otauria endaga nigetha turire marakara make.
NGAI AMURATHIME!

Amen Wagithuri!

Nii ninguenda Ngai umenyage
Ni ngenaga muno niwe,
Tondu niunjikaga wega na ukanyenda hingo ciothe...

Nituikage maundu maria mangikenia Jehova ni getha tukagaya muoyo uria utathiraga.

Papa Daad,
Nguga Mwathani akurathime ni kiugo kiu giaku kiega. Ati tuithuthurie uria tungienda ciana iria citu tuiciariire ikure. Ni wega cikure ciui Mwathani.

Jesu ari ho maundu mathaiaga o wega
Mathiaga o wega, mathiaga o wega
Jesu ari ho maundu mathiaga wega
Matekuhingicana.

Jesu ari ho, ngwataniro ithiaga wega
Ithiaga wega, ithiaga wega
Jesu ari ho ngwataniro ithiaga wega
Itekuhingicana

Nitugie mundu ugutohoithia nigetha tuhinge ngwataniro ya umuthi. No tutanahoya, mundu ungienda kuga kaundu kana kuheana kimenyithia kana kuruta uira, gaka ni kahinda kega gaku.

Papa Daad,
Ndugituhoithie tuhinge ngwataniro ino. Na utanahoithia kuri na kimenyithia. Ngwataniro iyo ingi tugathii kwa Wagatere murimo uria ungi muthenya wa Jumaine iria ingi tiga ino iroka. Mutikanariganiruo ni ndarama, ciagamba, karing'aring'a na Kirikaniro na Nyimbo cia Kiroho kana cia Kuinira Ngai.

Murathimwo

Amen! Ni wega Papa Daad ni mahoya macio maku mega muno. Naguo thayu wa Ngai, uria utangimenyeka uria utarii, uroikaragia ngoro cianyu ona gwiciria kwanyu nakuo, thiini wa Kristo Jesu.
Tuonane kwa Wagatere juma ine.