Muri ahoro ariu na aari a ithe witu,

Ndauga nyanjiririe ngwataniro tuari nayo kahinda. No nyende tuanjiririe kwa Nyina wa B. jumamwothi ino iroka thinacara cia hwa-ini. Ndiramuhoya na gitio andu merutire mawira-ini maya:
Ruimbo rua kuingira - Rishadi e guku hihi?
Mahoya ya kuambiriria
Ithomo ria mbere
Mahoya ma kuhoera maundu ngurani (intercessory)
Imenyithia
Mahunjio
Ruimbo rua muhothi
Mahoya ma kuhinga (blessing)
Ruimbo rua kuuma.

Wira wa Ngai wi kuo ni aruti wagite. Muririkane gugoka na mabuke ma mahoya, ma nyimbo, turumbeta, ndaramba na kigamba.
Tuonane jumamwothi na na murathimwo.

Wa Wakuru

Wa Wakuru?Ûhoro waku? Wakwa nîmwega ûtûraga kû? Atî Ngwatanîro kwa Nyina Wa B? Haiya.Ngwatanîro nîûhoro mwega no rîrî,nyakînyua itûraga kû? Nigetha njîtie ûteithio wa gutabarîria mûthenya ûcio? Na Athuri Aa Nyûmba?Onao nîmakwenda mateithie.
Rathimwoi.

Nyina wa B,
Nii ndi muhoro na ndiri na kima ndaya. Ni tumihang'o tuanyitire twa gwetha uboco wa o muthenya kinya ngaremuo ni kung'etia nyumba uria iikaire. Ndi o guku jamuhuri na niukiui riu ni hindi tukiri hindi ya heho turaikara tuithunaniire ta ngunu cia ruharo ni heho.
Turi na kieha kinene niundu wa mutino uria uronekire kuria Marsabit wa andu kuragana ta nyamu na kieha kinene nitukuenda tumaririkane mahoya-ini ona ngwataniro-ini twoka guaku. Na niukuona uhoro ucio woka ona tutegiritie maithori niundu wa ikuo iria ciirigite kuoneka na guku mwena wa ikamba cia njohi. Mwathani aronekanira bururi uyu witu twendete.
Ethana na nyakinyua igoka guguteithia kuhata na kuhoya bomu cia kanitha ci guikarira muthenya ucio. Na mutigakiriganiruo ni ciondo cia muhothi.
Kirathimo.

Wa Wakuru

Nyumba!

Geithikai muno na nguihoka muri uhoro. Nii njitaguo Ngima na njiriga guku gatene.

Wa Wakuru kueruo atia? Uhoro ucio wa Marsabit ni wa kieha muno. Andu acio a Oromo Liberation Front mekwenda kuaririo tondu ithui turi bururi utenda haro.
Jamuhuri no muratuarithia?
Nyina wa B? Kuhana atia my dear. Nii ngwataniro ndi wayo muno no ningoka gatene niguo nguteithie gukima kienyenji. Tubebe tucua niukuenda ngoka natuo?

Rishadi nu umuiguite?

Geithîkai Nyumba Mwene Nyaga aromûrathima inyuothe na mîhîrîga na arata.Ingîrai gûkû kwa nyina wa B na mûigwe Mûiganîire.

Wa Wakuru,nî ndacokia ngatho nîûteithio waku iyo mbûri hau kiûgû.

Suzy,Ingîra na ûigue wûiganîire.Tubebe tûcûa rehe nyamîkwa îrîa nene.

Tûkwenda tûhoe Mwene Nyaga ateithie bûrûri wa Kenya tondû nowe Wikee Ungîteithia.

Njiguaga Karwîmbo gaka ngaririkana bûrûri wa kîrînyaga.

Ngûtûra na mathîna nginya rî Baba
Harîa hothe ndagera caitani arîoho
Ndoiga njûke harî we nîguo nyone wega
caitani akannjîra,wega wîna gwake
Ngaikara ndaganîirie itarî harîa ndîî.

Ndî ratiri igûrû Mwathani wakwa
Ngîthimwo mawega na maûru makwa
Ndagûthaitha reke mawega maingihe
Mwena waku ûritûhe wa caitani ûhûthe.
............................................

Ndingîririkana kûu kûngi.

Ngima,niî ndirî na uru ndîoho na Mwathani.

Rathimwoi.

Ngima:
Haiya kai tariu nirio tugaga ngemi inya cia kairitu i! Uri gucoka mwari wa ithe witu? Wiigue wi mucii na tondu mucii ukuaga ngaguro ri, ira Nyina wa B akugagure ng'aragu ndihoyaguo uhoro. Guku Jamuhuri no turetindika ona gutuika riu ninyumagarite hanini ndi naguku Indian Ocean islands, Reunion na Mauritius njoke hunduke kiumia turorete.
Uri o kuria kwa Madiba? Guakiruo atia kuu? Nindahitukiire kuo ngiuka na guku no ndingiahotire gukuariria.

Nyina wa B no uretindika? Nii ndiri na kauru na Mwene Nyaga no anjikaritie. Tuikarite na wetereri na mutumia wakwa tondu nitukugeneruo ni mami kana baba ica ikuhi, ta kiumia turorete. Agiuka ningamumenyithia muke munyue ucuru wa gukiwo, thubu wa muteta, murie njugu na njahi guitu.

No turathii na mbere na kuhoera bururi witu na ningenda uria ugatuhoithia aririkane kuuhoera. Ruimbo ruu waina niruanjaka muno na ndaigua ruandathima muno.

Murathimwo na tugietereire aria marerutira hari ngwataniro ino.
Rathimwoi,

Ngunjiri

uhoro uyu nindawenda muno.Ndimugeni guku noni ngwihoka nitukunyitanira

Tondu gutirina Kworamu-ri, rwimbo rwa kuhinga mahoya niruinwo nigetha ngwataniro ithire muthenya wa umuthi.

Wagichamba,ingîra na ûigue ûiganîire.
Wa Wakuru,ûcio nîûhoro mwega Wa Kîrînyaga akumio.Ya mwana nîndaigua nîtûkûnyua.
Sajini,we githî tiûine rwa kûhinga mahoya.Haiya.
Like Wa Wakuru says,lets all bow and say a prayer for our beloved country,Kenya.

Dear Lord,we ask you in Jesus name to redeem Kenya from all that ails her. Amen.

Nyina wa B, ni thengiu ni mahoya mau maku. Uyu bururi niukuenda mahoya maingi muno.
Ningumumenyithia mugeni ucio oka nigetha mugiuke mukunde ruhia yeriruo ya mwana ndiituo.
Sajini niwe tuetereire uinithie ruimbo rwa kuhinga na uharirie muthenya wa ngwataniro iria irumiriire na igakorwo kuu. Nuu wonete Rishadi handu ona muhiuko?

Wa Wakuru

Rugamai, na iguru tuine rwimbo rwa kuhinga mahoya, na Wa Wakuru Nindaguthaitha ndukahure ndarama.

Uka mwathani utonye thiini
Ndukarugame muromoini
Riu nindaigua mugambo waku
Ningwenda muno utonye thiini.

Ninemetwo ni gwithokera
No-ri ndikwenda urugame nja
Nina nduma ya mehia na thahu
Mwathani Jesu utonye thiini.

Meeri ya ngoro yakwa ni njuru,
Indo ciakwa ciothe ni njuru
Ningi o nacio ihurunjitwo
Kai ingikugwata ugeni atia

Niundu ucio nindakuhoya uuke
Gutiri mugeni ungi tawe
Watonya niuguthondekera
Wagirie mucii wa ngoro yakwa

Aaaaaaaameeeeen....


Nwataniro iyo ingi no ikorwo gwakwa. Nigetha tuhingure mucii wakwa mweru na mahoya.

Riu no turikie na Kirathimo.

Wega wa mwathani witu Jesu Kristu
Na wendani wa Ngai
Nayo Ngwataniro ya Roho Mutheru
Irogia na ithui riu na Hingo ciothe
Aaaaaame.

Sajini,Nîngatho nîgûtûnyita ûgeni gwaku.Niî nîngathoma Kîrîkanîro.Atîrîrî nyûmba,reke tûgerie ngwatanîro îno na Lugha ciothe.Gîkûyû,Swahili na Kîngeretha.
Kana atîa?

Sajini thengiu ni ruimbo ruu rwaku na gutunyita ugeni gwaku. No muthenya utanatuhe niuriku na ni tugagiuka. Na o uguo Nyina wa B aroiga no tugerie kurehe aari na ariu a ithe witu ngwataniro-ini ino aria matakuigua ruthiomi ruru ruitu. Ndingienda tuhingiririe mundu ona uriku irathimo-ini.

Ngwataniro gwakwa ni muthenya wa gatano kana Jumaa. Na andu makageria guuka gatene. Nyimbo cia kuhingura Ngwataniri igakorwo cia Githwairi, twambitie na rwa Esther Wahome rwa "Kuna Dawa", na "Damu ya Yesu", no ona mundu ungikorwo na cia Githungu kana Gikuyu no agooce Ngai nacio tu.

Nyumba,there is this song I enjoy listening to.I wonna share with you all.

Don't You Give Up.

Mmmmmm ah,

Just you are out of jail and you don't know what to do,seems like everyone has turned their back on you
And your girlfriend is pregnant and she says she is having it but, ain't no money coming through yeah
Theres a single mother at home trying to raise three kids alone,working and going to school trying to make it on her own
she wants to start a business but it takes so much to raise kids and how will she ever find the time to provide the needs and Im telling her

Dont you give up on your dream
You'll find the hope that you need
Things aren't as bad as they seem
Just keep on fighting you all
Just keep fighting and you'll be sure to succeed

I see a kid in the ghetto with no place else to go,he wants to be a doctor but everyone keeps saying no,but I have a solution that will settle this confusion,cause you can be whatever you wonna be,
So Im telling you

Dont you give up on your dream
You 'll find the hope that you need
The Sun is gonna shine tomorrow
Things arent as bad as they seem
I know it looks bad sometimes you all
Just keep fighting and you will be sure to succeed

Everybody I warned you to keep your head to the sky
The sun is gonna shine thru the clouds but you gonna have to keep your head to the sky

Dont you give up on your dream
You'll find the hope that you need
Things aren't as bad as they seem
Just keep fighting and you will be sure to succeed.....................

Nyûmba sometimes we all go through very difficult times. I wonna share how I make it through these rough times.

I always get down on my knees and Ask God how He wants me to tackle it.When I come to this gigantic mountain,I ask Him in Jesus name How to go over the Mountain.Should I climb the mountain,walk through it,walk around it or should I just turn back?Then I pray that He moves the mountain away.

Never underestimate the Power of Prayer.
God Bless you all.