kariuki,
he he he !ni wangenia kariuki, gakunyoroketie biu? gatigagia muno.

Wagatere,
Uguo kwiraguo ni ma ati andu nimekiragiruo maguta ma tawa githeri-ini cukuru cia boarding? Ni ndaiguaga uguo kuma kuria andu aingi muno no ndiamenyire kana ni ma. Maguta ma tawa mekiraguo maki? Ti thumu? (poison)

nGUNJIRI ONANII nindagwire ndeto iyo ati maguta mau mateithagia kumacooldown.

ndaiguaga ati maguta ma tawa mekiragwo irio-ini nigwo tuiritu kutikagie nda tondu ni tworaga twakoragwo na urugari muno. ndicoka ngiigua ati mekagirwo nginya cukuru cia aanake tondu ati ona nio matororetie..... ndiahotire kumenya gitumi kia maguta gwikirwo irio-ini no kuria ndathomeire tutiekagirirwo maguta, anga twari aa kanitha.

no uhoro wa maguna ngui.... ni maa bata muno mwiri-ini na mundu ungiremwo ni kumaria me matheri no eekire mucere-ini, githeri-ini. ungigeria uguo no umende muno nginya wanjiririe kumaria me matheri kana na veg salad

ndiri ndaugua uhoro wa ka-juice ka maguna ngui no nindireciiria no muhaka gakorwo kari very nutritious. oo na nii ndamathuire muno riria maitu anjirie gutugurira... no thiku ici turagia, nuu urathii town ooke na avocado?

rimwe tugaga ati irio citiri cama, na nigwo tunyuaga indo ta njohi cicamaga uuru muno.... ni wega kwimenyeria irio oo na ciakorwo ciitari cama tondu ni cithondekaga miri.

no nimwatuma ndirikane maundu maingi muno ta gwikira githeri muhuko togithii cukuru, na kuiya githeri kii riko, maitu ookaga kuma mugunda agakora nyungu ii na githeri nuthu, agatwora ni twaria irio ciitu cia thiku igiri... riu kana ni ukuriite kana ndukuriite umenye ugutndindira na urarire thiku igiri. no wakorwo uuma na maitu mugunda ukarugirwo wega muno nginya ukagurirwo mugate na ukanyua cai wa cukari.

Wanji,
he he he! waria uhoro wa githeri ta wari witu tondu noguo twekaga, kuiya na guikira muhuko. riu mwarimu e haria mbere ukaruta kaboco na ihenya ugagaikia kanua!

hahahahah, ithui twari aganu, mwarimu uria twamenete twamuguthaga na thaanda ee haria mbere atua kwandika kindu black board-ini. no kai ithui kwagiikagia mbembe tondu mboco citionekaga, ungiaikirie guoko muhukjo waumaga na mbembe ikumi na mboco imwe!

hihi ni mwaroraguo mihuko ni mwarimu kana hee mundu wuikitie githeri muhuko?

tareke ngurie kaundu kangi, mathingira kenda na kiamatawa ni ku kuu hihi? njohera ni kurigwo!

wanji,
wandirikania ciana ingi ciari njaganu muno,twahandaga mbembe nacio ikahukuria igacine ndoore.

Wanji,
he he he! ati mbembe ikumi na mboco imwe? ii hau ni ma githeri kiu kiahuanaga magego ma kana kueruha.
Twaroraguo muno kana ni tukuite na tukahuruo thunu muno muno. No ucio mwarimu uria ekuona! Muthenya uyu ungi tuamukuagira biri biri tugakumutha dathita (duster) tugacoka tukamake sure blackboard iiyuire mandiko nigetha oke atharie. we we we! atharia ruhayo ruria ruguitika hau rwa mwarimu!
Wagithuri,
Ndoore ni nduu? Kai mbembe cia kuhanda ingicinika githi tutiahandaga thanda gwa thanda?

Wanji, uhoro ucio wa githeri wandirikania matuku mau ma tene na nindakena muno,
ninguririkana ndi std 3,ndakuite githeri mweri umwe kirumaniririo na mboco ciari ithatu hari thani,nginya hindi imwe kairitu kari ka mwarimu gakinjira tucenjanie ati ni karamiss githeri,tondu ko kwao ni magicenjagia diet
muthenya ucio ndariirwo ni nda muno tondu yakwa yamenyerete gatheri,
hihi wanji inyui nimwatukanagia mutu na cukari mugekira muhuko?

Wangu,
Niwandirikania uhoro ucio wa githeri na ciana cia arimu. Nii kuria ndathomagira kwari githeri gietaguo thuburû (supro? what was that?). Nuu wariire githeri kiu? Riu ciana cia arimu itiariaga.

Gwakinyaga hindi ya ranji hedimathita agatuita handu kanyekini agatuira tuikare thi akauga, "Andu aria marihite thuburû mokire mathii makarie. Ciana cia arimu ni cinuke ikarie mucii. Inyui aya angi mwatiguo muikare o hau muri nyeki-ini murie riua!" gosh, riu ma we wakorwo uri gategori iyo ya gatatu kai ukuria riua ithaa igima hwa!

wanji,
tatuhe uhoro wamitungo ya waru watana,gwitu tucirite muno, tanii tondu gwitu gutiari airitu mbere yakwa ninii ndari njorua ya kuruga naihenya mituru kana mitungo,ndiari maundu maingi tondu noguthiga waru no cio niwira wangithii ungi,nagwikira mai naitunguru cia mahuti .ndagika thate igithira ngahuha kihuuni andu moke marie .

Ndore ni guthuria.

wa makeri, ii nituatukanagia mutu na cukari.
na ni hari ingi tuetaga mboru. yari ya gutukania mutu wa mbembe na wa ngano na cukari.ugaciikira rugio-ini ruhiu ugakoroga nginya ugatuika brown ugathii nayo cukuru gutisha kwanyu ni kuri mutu wa ngano
he hindi maitu angorereire ngiruga mboru na ngukuira haro ndatungirio ndiari ithabu

hehehe! kariuki nindona wanarutunga,
riu he ka juice getagwo treetop na ndimenyaga uria gathirire,kau twanahurirwo nigukanywa gatari karingie,mundu amenyekaga niwe unyuire nikuhaya,ukahurua haro njeega.

Inyui mwandirikania hindi imwe ngiruga ngima guku bururiwa George waithaka. Mukuro waumire wega muno nanii ngiwooya ndiuikitie ndooini ya giko. Muiritu ucio akinjira niekwendaga kuria mukuro ucio muno tondu niwamuririkania kaundu eekaga.

wangu, ndooria ka-my sister kanjiira ati twetaga ka-delicacy kau GITU kana GATU, kuringana na karia ukohetete kuiya mami wanyu atanacoka kuuma kahinda. riu twamba gutheka tondu tworania, haiya, kumbe oo na we niwaiyaga!!!! gwitu gutiri mundu ungiamenyire ati mundu uria uungi ni aiyaga, na ni ukiui kari tari oo must mundu akue cukuru nigwo ndagacambio ni airitu aria angi ati kwao gutiguragwo cukari. twagekiraga muhuko, riu ukoona your brothers magigucema cukuru hindi ya break moone kana mwathii ndundu na airitu ni ukuruta gitu makiruta... wona waruta your brothers magathii magagucuka kwi mami wanyu. ugikinya mucii kuma cikuru kai wetereirwo na mikwa na nyahunyo lol.

ithui tutiyaga mutu wa ngano tondu wonekaga oo ndithemba na ugathira oo rio!