Ciana citu, reke turirikane kuria twaumire, turirikane Ngai witu wa Kirinyaga, nikii gitumaga twitikie witikio twahurirwo nikio twitikie? niaigana aitu makuire marega gwitikia? makuire tuhu? Nikii twinakio riu tutaari nakio tene? ona nonjuge riu tukoragwo na mathina maingi gukira tene. Rekei tucoke kuririkana uria watutuirie mahinda ma mwiaka miingi muno muthungu atanoka, be proud!!

ni wega kuririkana ugikuyu witu. Gikuyu nietikitie uhoro wa Ngai muno na nikio ithaa ria thaa mugwanja utuku, kana rucini tene riria ruoro rutemaga, okagira akahogo Mwene Nyaga arorete Kirima kia Ngai (Kirinyaga) Mt Kenya. Uri uhoro nyumba

Niwega muno wa Karumba mwina Karage. Ti itheru nitubataire kuhoya Ngai uria wi witu kuuma ndemi na mathathi niamu ucio niwe Ngai. Mahinda mamwe na mamwe ningoragwo na mbaara nene muno ndagwetera andu a nyumba uhoro uyu. Ngakiyuria atiri, i kai ngai ici ng'eni ciina hinya muingi gukira Ngai uria witu kiumbe? Ngai wa Kirinyaga githi ndari na hinya wa gutuhe mbura twamurutira igongona? Githi ndatuheaga ita ciitu hinya riria twahithukirwo ni thu? Nikii kingigituma tumutiganirie?
Gutiri hindi ingitikira kuhoya ngai cia itherero ona kana iria cia nyakeeru.
Rekeni tucokerere Ngai witu tutikae kunyitwo ni thaahu

Niwega muno Karage na Ngunjiri ni machokio manyu, nithumbukaga muno riria ndeciria uhoro uyu tondu twaga gwika undu ciana ciitu itikamenya kuria ciaumire ona Gikuyu gikirie guthira biu. Ni kuri mundu ui kuria ingiona mabuku kana website ina ng'ano cia Gikuyu na ingithomithia hihi maundu na miikarire ya Ugikuyu? Cucu angiri muoyo.... Mwene Nyaga amuige wega. Nainyui amurathime.

Ti website nyingi iri ho. Tarora ino http://www.gatua.com/html/maitukeri.html

Onanii ni ndamunyita mbaru. Hindi ni nginyu riu ithui agikuyu tumenya ati onaithui nituri na unduire witu, na niguo tukwenda turumirire handu ha maundu maya ma muthungu.

Mweriega andu a nyumba. No hindi ndamenya ati thingira uyu ni wahingurirwo ringi. Undu wigie uhoro wa Mwene Nyaga ti uhoro wa ithako. Mwandiki ti Dr. John Henrike Clarke oigaga ati nyakeru handu hothe athiaga ambaga guthekerera ngai wa andu aria akora. Ene ngai ucio nao mangimuthekerera umenya ukombo ni wa tura. Ithui naithui ni twathekereire ngai witu. Mutino uria munene ni ati andu angi matiri mamenya ati iyo ni haro iria nene muno mundu angi hura andu aria arurua nao. Gutiri hindi andu mari mahoya ngai cia ugeni magatobora. Uria mekaga no gutwika ngombo cia iria mamahee ngai. Ungicuthiriria kuria gwitu no wone ati andu mahoyaga nyakeru o uria mahoya ngai uria amareheire. No nikii nyakeru ekite nigetha aheyo gitiyo kiu. Ningi andu acio ahei nyakeru gitiyo kiu ni ukwona matingihe andu ao gitiyo takiu. Uguo ni kuga ati ukombo ni hindi urumitie bururi.
Handu hegie githomo na ruthiomi bururi wihokete n yakeru. Mirimu nikio ari o muhaka ingihe. Ukaigwa ati andu agima matingiaria ruthiomi ruo. Angi metuaga ati ona matiui ruthiumi ruria mereretwo naruo. Ucio ni murimu muru kuruga mukingo. Ciana iria ciraciarwo riu cirerira o gutwika ngombo ni uria cireretwo ni aciari. Nyimbo, mihumbire na ngiynya mirire makwenda bukobia nyakeru. Ngakiuria, ona miaka mirongo itano ni igithirite kuma riria ciugu iria andu aitu mohagirwo hindi ya imageneti. Kai tuariganirwo na ihenya atia ugwati uria bururi witu wonete. Kiu andu mangichunga naihenya atia thutha wa andu ao guitwo na ithaka ta ici cire n a mbari ya Dalamea gutunyanwo. Andu aitu ukirani. Utari wa menya nyakeru ndari kindu angituguna nakio tiga gutunya thakeme no uria uri toro kana uria utarenda winyathi.
Wiyathi ni andu kuiyatha na kurumirira mitugu yao ya kinduiri. Maya mangi mothe ni maheni.
Thaaiii

Uhoro wa mabuku Karumba no unyandikire marua ithanduku riakua. Ririkana ti

Hari nii ngai maita ngai no ngai, akoruo aikaraga Kiriinyaga kana matuini, ciothe ni cia ruruka rumwe. Nii hakwa ndiri na bata ni ngai iriku ndirahooya, ta ati icokie mahooya makwa.

Ngai rimwe nicituhingaga maitho. Rekei maundu mamwe tutigage kunengera ngai no tugeragie kumahatura ithui eene. Rimwe na rimwe nituregaga kuruta wira uria twagiriire tukiugaga ati hau hangi nituguitigira ngai. Mutwarwo ni ruui egwatagirira marere kana tiguo, angikorwo ngai wa matuini niwe ucokagia mahooya makwa thina wiha? na angikorwo ni wa Kiriinyaga, thina wiha?

Nii undu uria ingiuga ni ati mundu ahooe kuringana na thamiri yake na uria ekuona mutuurre wake ukigaacira.

Hau nii sijani no njuge ati mundu wa kuga ngai mata ngai no ngai angikorwo ari muteti munene muno. Nyakeru akiuragia ngai cia andu airu ki? Mundu urenda kunina aria angi na amaturie ukomboini no agie na bata munene muno wa kuira andu mahinge maitho na metikire ngai wake tondu ngai mata ngai no ngai. No thutha wa kurora uria bururi witu urathi ndigwichiria ati no turega ati kuri handu twatereire makinya. Ni ngona kihumo kia thina ucio ni gwitikira ngai ciena na thiomi cio. Indi icio igiri nicio muthingi wa mitugo na unduiri wa andu. Muithiramu ndangihurika na ihenya ni thu ciake amu we ari na muthingi mwega wa ruthiomi na ndini yake. Ndini nyingi cirehagwo ni thu cia andu iria irenda kuiya utonga wao. Kuma Egypt hindi ya Alexander the greek nginya guka gwa thukumu bururi witu wa Gikuy, ndini iria iri kahinda gaka cirehirwo ni andu mari na bata kuiya utonga wao.
Kirema thahu

Mabururi thi ng'ima mararua iguru ria maundu ma ndini na keri ni mbecha. Nindaregana na Sajini onani tondu takorwo Ngai maita Ngai no Ngai, andu mangikara na tha yu muno, no nyonaga ati nduriri nyingi cikuagira Ngai ciao omuthenya, naniki gitumi? Witikio wa andu wi bata, na mundu guka aumite nakuria auma guka gukwira Ngai wao niwe wama na uria tutuire twitikitie mindi na mindi ni wa maheni nindarega, ndungigua nyakeru akiuga Ngai maita Ngai no Ngai, na ndukaigua. Nikii giatumire tutiganirie Wa Kirinyaga naihenya uguo?, aingi aitu nomoragirwo marega kumutiganiria ni gitumi kimwe, no nyakeru ainuka nikii giatumire twone ta Ngai wao na mitugo yao ta iriyo mwega muno? Ngai wakwa ni wa Kirinyaga na gutiri munene take. Amuige na thayu na amurathime.

Turi hamwe Karungaru wa Karumba. Uria ingienda kuongerera ni ati uria andu angi airu m amatari marikia kumenya ni ati hinya na wiyathi wa andu uthimagwo na uria marumitie ngai wao. Andu aria marehagirwo thigonji makerwo matiganane na ngai wao na magetikira ni andu matari na hinya ona hanini. Aria nao maregaga na ngai wao ni andu metigagirwo muno ni andu na matingituo ngombo. Ungichuthiriria thiani wa historia ya andu a ruraya-ri, andu aria aitu manyitagwo kiahinya Africa handu ya ruma na kurehwo guku ukombo-ini kuri maundu matatu ari o muhaka mangiekirwo ni getwo mubango wa nyakeru ukinyanire. Wa mbere mambaga kubatithio marutwo meri o ugwo. Hari mufia kana muhunjia ura wa rutaga wira ucio andu airu makinya thii o ugwo. Wakeri no muhaka mangia giririo kuaria ruthiomi rwo. Andu eri mangiamenyekire ati moimite itura kana ruruka rumwe matwaragwo migunda ngurani. Wa muthia no muhaka kungiakorirwo na watho wa kogiririria andu guthoma maundu makonie mitugo yao. Ugwo nigwo ngombo ithondekagwo. Muhano wa keri ni ati Giithiramu kana Islam dietikiritwo guthomithio thaini wa bururi uyu. Nyakeru ni onete uria andu acio manyitire bururi wa spain na makiwatha hakuhi miaka magana matandatu. Muandu maya ndagweta nyonanie ati mundu kuhoya ngai wake ni undu wa batata muno. Muithiramu aruite muno na nyakeru kuria Iraq. Atorio ni ukwona ati githomo kia nyakeru ni gikwikirirwo hinya ma nigetha kiroge ngoro ciao. Hiro ino yothe ni ya kuiya na kugitira utonga na umundu wamundu. Ithui ni twendirie na ndiri na ma kana no tuhote kuhurana na nyakiru uria muarabu ararua kwao. Ndiraigwire ati Ngonya wa Gakonya na arumiriri ake mari na chira igotini ria kenya ni gwikira machuka. Ucio ni urimu uriku andu kugirio maikare uria makwenda na mahoe ngai uria mekwenda. Ihitia riakeri ni ati ni maroiga Thaaiii. Thirikari ndinyite arabu othe na ahindi tondu ni marekira nguo ndaya na ria angi machuka. No andu mangiathwo ni ngai cia ugene maundu maya no muhaka moneke. No muthia andu othe magatwika ngombo cia nyakeru.

Kĩrema Thahu hau waria ta athuri mũgwanja. Ti itherũ nyakeerũ nianyitire meciiria maitũ migwate. Njiguaga ũũru muno riria nguona andũ a aburika makinyarara mĩtugo ya ũndũire wao. Ũkuona atĩ ona nyarari citũ igĩtumĩrĩrĩra guoya wa mbarathi nigetha mahanane na nyakeeru. Ngakĩ rigwo atĩrĩ, kaĩ tutakoragwo twĩ – ĩtikitie? Nyakeeru we mwene nĩoĩ kĩhumo gĩake nĩ harĩ mũndũ mũirũ mĩaka ta ngiri ikũmi ũguo mĩthiru. Ithuĩ nĩ ithu ĩ kĩhumo kia andũ na kwoguo ona Ngai witũ e na hinya gũkĩ ra Ngai wa Nyakeerũ. Ũngĩrora thenema iria mathokaga mageragia kuonania Ngai arĩ nyakeerũ . Warora kĩrĩkaniro no handũ hamwe tũngĩona mũndũ mũirũ agwetetwo. Ongorwo no ũririkane mũndũ ũcio kirikaniro kiugĩte atĩ arĩ mũhakũre-nĩũndũ kĩ? Tondũ arĩ ngombo. Kwoguo nowone ũria tũkoragwo tũkuĩtwo. Rĩrĩ nĩ ihinda rĩegatũ cokere Ngai witũ tũmũhoye atũninĩre thahu twareheirwo ni nyakeerũ .

Ngũnjiri Mũthũmbĩ.

nindakena niguikia maitho nahau thutha na ndona ndeto cia ngenia muno. ni undu wa aria maciariirwo nyairobi ta wakanyugi,wakaris,wagatere na angi aingi ri, reke njarie kingeretha. wakanyugi will you make to read through this. i liked Ngunjiri's stuff

Ni ngatho kuona Agikuyu mareganite na ukoloni wa meciria, magacokera ngai witu.

Ndini cia uthungu ni ndini cia mbara, cia ukoloni, cia kuiga andu airu thina-ini. Nii ninjitikitie ati ukristiano ni gitumi kia mental illnesses na ihoru ria andu aitu.

Gutiri matuini (heaven) kana iherero (hell). Riria ngacemania na mundu waumire kuu, ningetikia.

Rathimuoi andu aitu.

On an aside, how can I post in Kikuyu characters?

quote:

Riria ngacemania na mundu waumire kuu, ningetikia.

hehehehe!