Mucii uyu kwina andu kana no ithanwa na mukungugu?

Kahii Kogi:
Guku mucii uyu uihuire andu na tondu mucii ukuaga ngaguro ri, gucia gaturua hau thutha wa murango uune iru ucoke weterere kanyama turacina na Sajini ugaguruo. Guku gutiri na kanua no thumbi na ruhuho na kuhorera twetereire ooki tawe marehe uhoro. Ona thubu nitukuhurite na wi hau na kiuga oya gakombe ukunde. Uri mwamukire na moko meeri na wiigue wi mucii.

Thengiu muno Ngunjiri, ii gathubu ti kega kau?
Reke njoe mweke uyu njokie ngatho ni gucokerio mucii uyu, kai tutakigia ihoru muno. Nyumba ni nene ino...sagini nindamuona agicina nyama. ii ucio ni Rishadi ura tinangia nyama cia ndundiro? Hihi nuu uramiria mara?
Kiroruma nyambo!

Gũkũ kũihũire andu no kai, ni hinya kũona handũ ari na ariũ aithe witu Gikũyũ mari, ũyũ ni mũcii wa mbere kũona nyamũkiro cia ũgikũyũ, niwega, Thai thathaiya Ngai wa Kirinyaga, tũtikariganirwo ati Kristo nikureherwo twareheirwo, na tũkihurũo muno nikio tũmwitikie... rathimwoi

kahii kogi na Karungaru Karumba,
Nina muri anyiite ugeni guku. Atumia mathiite giathi na tukwihoka nimeguuka nigetha marehe muhia na ugimbi wa kugagatia gacuru. Wakamuiria magikinyiite-ri, rekei rekei turumane kanyama gaaka tondu tutiri ukari. Kari nda gatiiyumburaga, na ningi gukiiragwo yumbukaga na kiria imeretie, kana tiguo wa Wakuru?.

ii hau Sajini waria o ta athuri atatu! ona mutwe ni tukuriga nigetha atumia makore thubu wahia. Ndugakiriganiruo ni kumaigira giciri tondu Cirumama angikora gitari ho tuahota kuona nganga mbute.