Ti ubaguzi no he ndeto atumia maragia me karumu kao
mwanya. Hihi ni kuri atumia angi nyumba ino tungiteretha uhoro wiigie micii, athuri, okana ciana ciitu? Nimukiue ati mutumia mwega niwe wakaga
na akanyitirira mucii.

Who is home here?

II Makena hau niguo. Mutumia muega ni uria ucokanagiriria mucii no ti kuhurunja. Hee uhoro ungi mutumia atagiriire kuheo ...

Waaki wa mucii ni wa muthuuri na mutumia. Nikii murigo wothe uraigirirwao mutumia na athuuri nio mahurunjaga ni kugia na micii miingi?

Sijani,
Ucio uhoro waku ni mwega, mucii ni wa mutumia na muthuri. No mucii mwega wonanagia mbere mbere uugi wa mutumia. Muthuri wira wake ni kurangira. No ugwo tigukiuga ati mucii no wa mutumia. Undu wa muthia ni ati micii iraharagana ni gutwika ati andu aitu ni mateire uugi uria ukinyitie nyumba itu haria twakinyite nyakeru atankinya gwitu. Athuri atene ni mari na micii miingi na ndioraga. Nikii gwagitwika ati ya riu no aria mari na mucii umwe ni urarema. Andu atu ni marekirie karigi na makiigirira maundu mothungu maria o matangihota.
Uhoro uyu ni mwega andu ni marehe mawoni mao.
Thaaii

Ii Kirema Thahu niuthomete mbuku iria njeru ya ya Ngugi wa Thiong'o iria ireetwo "murogi wa kagogo?'

No hindi ndiragurire mbuku iyo nene ugwo. Nikii hihi kai iri na hitho ukwenda humburie?
Ndirathoma mbuku ya mwandiki njorwa ugwitwo Amos Wilson na mbuku yake iri hakuhi kuigana o iyo ya Ngugi na ritagwo Blueprint For Black power : A moral, economic and Political imperative for the 21st Century. Ringetie kana ibuku ringi riothe riandikitwo ni mwandiki ucio.
Thaaii

Kirema Thahu,
Nii ndimigurite no hindi imwe ngiirorera mabuku library ya Yunibaaciti nindamionire na ngimikuua. Nindathoomete 'Matigari ma Njiruungi' na Gikuyu, no undu uria ndirona hari 'murogi wa Kagogo' ni ati Ngugi riu ndari na haaro muno na ndini ta uria ari nayo mabuku-ini make ma mbere. Kindu kia bata ni ati we ndaratuira ndini o yothe ciira, ikorwo ari Ukristu, Uitheramu, kana unduire. Kiria aratetenia nakio ni uhinga wa atongoria aria metukanagia magacoka kwihitha ndini-ini.

Kindu kiria ndi na thina nakio ni Gikuyu giake. Kwaria ma no njuge nioriite njira kindu. Ona gutuika turi na ruutha rwa kwandika o uria tukwenda-ri, ndikuona hari bata kuogoma hari miandikire ya Gikuyu ya kinduire. Nindaari na thina munene ngithoma 'Murogi wa kagogo tondu mwandikire wa Ngugi niutiganite muno na mwandikire wa Gikuyu uria tumenyerete.

Ngwiciria mbuku iyo ya Amos Wilson nindimithoma no ti gwa kahinda gaka.

Thaaaaaaaaai.

Sijani,
Hari hindi njiriga gucherera Ngugi na akigweta ndeto iyo. Uhoro woimanire na athomi a Thaai aria mokite kumutunga riri eriga mucii. Ngugi ni agwetire ati andu mitituraga o haria moimirire, na njira nguhi kuga ati gwikira machuka hihi ti undu uri na uguni.

No nii nani ngimuria kana hihi ni athimite uritu ucio hari mechiria ma andu aria mahinyiririo ni ukombo wa mechiria. Ngiaria nii ndari na mbica ya andu a Nation of Islam guku ruraya. Mutongoria wa ndini iyo ambiririe na kumenithia thu ya andu Airu nigwo mahote gwaka kwao. Riria amerire muthungu ni CHAITANI-RI, arumiriri ake ni magaire na ugaruruku munene muno.

Kiuria haha ona tikana uria oigire nima kana tima, uhoro uri muchenjerieini ya mechiria mao. Muthuri ucio uria wari na githomo kwa miaka itatu tu thaini wa thukuru-ini wa mbere ni ahotire gwika maundu maingi muno maria atongoria aitu mararemwo. Nima wira uria muingi warutirwo ni Malcom X, no mwarimu nake no muhaka akeheyo gitiyo giake. Andu acio mari na Ngai wao, murire wao na mwihumbire wao uria wari ngurani na muthungu. Nikio nii nani ndonaga ati mundu wothe wa muchii ona kwamba gukinya ikinya rimwe kweheria muthungu kuma mechiriaini make ni uguni munene muno. No riu tondu andu aingi aitu mathima maundu mothe na ratiri ya muthungu maingiona na utheri uguni uria bururi witu ungimatha kuma undu ucio wa gwithamba mechiria.

Ngugi ni ndonire no arakura na uria nyonete ni ati o uria mundu arakura ringi nogwo nake anyorokagia maundu. Ningi riu gutwika arathomithia thukuru wa ruraya nagwo o undu. Korwo arathomithia haria Kenyatta nogukorwo hihi angirandika Gikuyu kiria andikaga nakio hindi ya Ngahika ndenda hamwe na mbuku icio ingi.

Nagwo uhoro ukonio ndini ni ati gutiri muthungu na mubia. Ndini yokire na aichi na nginya umuthi itumagirwo kuhura andu matikahote kugitira utonga wao ndukaiywo. Ni ugwichiria ati Mau Mau mangiari akristiano ni mangiaruire na muthungu?

Kugwo muandiki wa uhoro ukonii wiyathi no muhaka aria uhoro wa ndini na uthukumu hamwe. Kuria umwe ugatiga uria ungi na takuruta mwaki kuma guoko kumwe ukauwikira gwoko kuria kungi.
Gitumi ni riri, muthungu atuthomithirie githomo giake ni gutwika ati atikitie ati maundu mothe maitu mari ma chaitani. Ugwo ni gukiuga ati mundu wothe ugwitikira githomo giake ni uria witikitie maundu mao makiri ma ngomo.

Ni kio nginya maritwa maria tuari namo machenjirio. No warora thaini wa kirikaniro kiu muthongo athomaga gutiri handu haritwo ati kuri maritwa ma ngai na ma chaitani. Haro ya mbere ya kuruta andu ukomboini no muhaka yambiririe na mechiria. Ndiiu nu werire andu ati migunda niyo iribata. Nii ndinauga ati migunda ndiri bata no ni andu aingi muno nyonete gwitu matigiirwo migunda, no tundu mechiria mao mari ukomboini-ri, migunda iyo no kwendia mendagia na mbeca icio citiamateithagia.

No andu nao ndanona ingi matari kindu matigirwo ni maithe, no mechiria mao ni mamateithirie gwetha na guikara wega. Riu uhoro ni ndaihirie nani.

Ibuku riria Ngugi riria nduire ndimuchokagiria ngatho ni Towards the Decolonization of the Mind, na muthako wa Ngahika ndenda. Chaitani mutharabaini onario hihi no hitie ingiaga kurigweta. No ndagweta riambere tondu wa kuona ati mechiria meri hinya muingi muno.

Ta wichirie njohi iria andu aitu manyuaga o Njuuma na Njumamuthi, guku ameriaka. Icio ni mbeca tungiakite inorero nacio kana tugateithia iria turi nacio Jamuhuri, uchoke wongerere cia maruta ma mohiki. No riu ningi ni ndambiriria kurota...Uhoro ona ndaria atia urithirira o mechiriani.

Nikio ingienda uthome Amos Wison, kana uthikiririe mikwa yake. Uria ingienda uigwo muno ni Falsification of African Consciousness. No ugiwenda ni njui haria ingiuruta. Ni TN/CD na kuogwo wakorwo uri ruraya ni raithi kunyita.
THAAIII