Mwakia awa?
Mwakia maitu?
Ndahoya kwamukiruo nyumba ino itu. Ndoriire bururi wa Arabu no Ngai ni mwega gikuyu matiuraga ona mangituura ku. Ngunjiri Muthumbi na athuri othe a nyumba ndamuhoya kundirikania gucaba na gikuyu "vowels" i na u - getagwo kangórotero kana getagwo atia?

Kamondia,

Niingiacokia ngeithi icio ciaku tondu ni cia guitu Rware no ndiui kana uri baba kana uri maitu uguo njitikiria ngurie atiriri, Uri muhoro? Tonya nyumba ino iitu na uigue uiganiire. Ni weka wega ni kuhura hodi na twakwamukira na moko meeri. Nyumba ino niugukora wendo munene uria utuikaritie kahinda kau gothe. Gucia njung'wa hau rungu wa uriri uune iru ninjui niunogete ni rugendo rwa kuuma kwanyu. Maitu witu nyina wa B aguthiite na haria ngurumo kwenja tuguaci uguo acoka niegukugagura. No Sajini ni ari na tumatharigo ararigite na agacamukia thubu uguo no kinya uringe gikombe.
Bururi ucio wa Mwarabu ukihuana atia. Ithui turi guku jamhuri tunyitiriire miaro ndikae kuhaguka nigethat mwacoka mugakora kuri o kwega. Kindu gituhotete no ng'aragu no turahoya na tugetikia ni gukuagira.
Ngicokia kiuria giaku ri, ungienda gucaba ndemwa ici 'î' na 'û' ri, ukunyita cabi (key) ya Alt ucoke uhihinye namba 140 nigetha ucabe î alafu wenda û uhihinye (press) Alt na 150. Uhuthire namba iria iri mwena wa uria wa metha ya cabi (keyboard - ha ha ha!!) ndukahuthire icio iri mwena wa rugongo. Urî gûtû? Ithui twetaga tunyamu tuu turi iguru tûthûrûbia, hehehehe!!
One hûû!

Kamondia,
Gitumi kia njage gukunyita ugeni ni tondu wa ng'aragu iria iri bururiini. Niininiire ruuru rugima rwa mahiu makwa. Kiria kiang'una ni ati thwariga ireerehe gwakwa mucii igiuka gucaria maai. Nanii ngakiuga Mwenye Nyaga ndariiaga mirio.

No ona gukihaana uguo nindakunyiita ugeni ni amu ona Mau Mau moigaga twona mboco imwe tukagayana, kana tiguo?