Mwalimu Sajini, my friend Ngunjiri, My sis Nyina Wa Bakhita na kila mtu. Nyamukirai nimerudi. I have been gone for quite a long time and I have to say I miss you all. Niuguo ambai munyamukire.

Kaswiti,

Kai nikio ma mugikuyu oigire kuamaguo ni gucokaguo i! Uri kuhunduka mwana witu, oi, Ngai ni munene wa gucokia na thayu wake. Kigucie gaturua hau kamuira Nyina wa B akugagure utuhe uhoro wa kuria utuire na kiria mwatukiria kuu urari. Guku no thumbi na ruhuho.

Wiigue wi mucii.

Kaswiti,
Nitwakwamukira guku nyumba ino. No tutikiaragia muno tundu tumiaka no turakiingiha. Ndiraigua andu maraaria o cia macungwa na marigu, hihi imera ciacenjia andu ni mekugarurira.

Itekuraihia miario ngwiciria guku nyumba gutiri gaturi utooi. Wagwatia kanyiitira niukuona karuuwa karia wakomagira, ona gukorwo kaiyuire rukungu. Nyungu iria warugaga nacio ucuru wa mukiyo imwe riu ni icere, na iria ingi ikwenda guthingwo miatuka.

Nacio ngu itara niciathirire na iria iraunitwo githaka no ndogo iraruta. No gukorora turakorora tukiirigithaga maitho

No uririkane ati turi na Wa Wakuru nitwari utana wa karuhia o hamwe na rukuri. No riu njuki niciaregire na uuki. Rishadi nake ngita yake niyatuikire waya. Nyina wa Bakhita nake ngwaci ciake cikiriiyo ni thiiya na huko. Nikio wakora nyumba ino itari na urugari.

Guguitarii uguo ta tuhe cia kuu urooriire.

Nii ndiri na uuru na koguo reke ndimucokerie ngatho nikunyamukira na ngoro theru na moke meri.
No kai indo ici ciakwa nimwakireka igie na rukungu ruingi maaaAA. Thaburia niki ciakiira uuu?
Hi! nitucokanirirei ona ngita iyo ya Rishadi tugerie uria tungihota tumucokanirie. Agikinya nigucoka nyimbo aturumie aigite itheru thi.

Umuthi tuguthiite mugunda kuona Ng'ombe na nguku na barathi ohamwe na ng'ondu na ngurwe tugikigiraga pumpkins???. Gukiuma kwega no ng'ombe njiguiriire tha. Tondu igukamagwo ni ahitukire oothe o mundu weda. Ndinakenio ni uhoro ucio. Ng'ombe imwe indorire na tha na nii ndamira,korwo ndina uhoti,niingiagutwara karatina. No ningi karatina nakuo ni ukuhurwo iboko. Gutiri kwega.

Kaswiti,Nîndakena tondû athuri a Nyûmba nîmakûnyita ûgeni.Ingîra na ûigue ûiganîire na gacûrû kunda.

Nindakena muno nigukuona Nyina Wa Bakhita.

Ona nii reke njuge ta Kaswiti nindakena ni kuigua Nyina wa B tondu kuuma athundie haria kamutaya-ini kai ndiri ndacoka kumuigua ii! Tuanageria gutuma ndumiriri na Sajini haria akuonuo eruo mboco ciake niciamerereiruo ni ria na ndaigana kuonekana. Gtiume Kaswiti na atumia aria angi gitati moke makunyite itemi mukirikie kurima muhonia ucio watigitie.