Kuringana na gutukana gwitu a mabururi maingi na nduriri, miturire itu na muno gukonania na uria "twaguranaga" ni iracenjia. Ari angi ni mararegana na uhoro uyu wa kugurwo. Ningi kanitha nako nikarehaga mutukanio munene. Ndathimania miario, ninjiguaga andu aingi makiuga mburi itiri na handu miaka ino turi. No ona kuri o uguo, angi aitu notuonaga bata ya nduire ona gutwika kuheana mburi ti kugurana. Nikio ndatumira "" ritwa ini kugurana hau kabere.
Ningi, rika riri ritu niriui makinya wega?
Inywi mukuona atia?

Ucio uhoro warehe ni wa bata amu ukombo kana wiyathi wa bururi ukuma kuri ngwataniro ya muiritu na mwanake thaini wa bururi witu. ugwo ni kuga ati Ngwataniro iyo niyo kihumo kia bururi. Uria andu makugurana nogwo andu acio makaga mucii wao na iyu mbica noyo igatwika mbica ya bururi. Aria moigaga ati kugurana ni kuru no nyende kumenya kana hihi kuri amwe ao matumagira kiigo ta guchiarwo ringi? Ugwo ndiri ndaigwa athomi makiuga ati ni waganu kana ni undu wa wana gwika. Nikii twagitwika maundu maitu maria tuture namo ni hindi matwika ati timega. Ni njitikitie ati guchenja ni kindu kiri bata. No guchenjagio uria utari na umithio andu makambiriria uri uri na umithio. No riu ndarora aria maragurana riu na njira ino irerwo niyo iratigia-ri, ndirona tamaramenya na kuria marathii. Ni undu ucio ni ndikitie kumenya ati maundu maingi maitu mari mabata na gutiri hindi ngetikira kumarekia itoi undu ungi. Maundu maingi twiigagirira ni maundu ma wana na magututuria ukomboini. Kii gugathoma ri twone ati uria turumirira ndari uria ooi.
Thaaii.

Uhoro nyumba?

Kirira ni uura thoni.
Uhoro uyu wa kugurana na kuhikania ni uhoro wagiriirwo ni gwikirwo kinyi kuri ruciarwo ruria rurikuo bururini riu.

Reke ndimuhe uhoro

Uciari niki ? Nimui?

Uciari thiini wa muturire na unduire witu ni wagwikirirwo gitio kia bata hamwe na maundu maria megie guo.

Uhikania ni uthoni na gutuma ndugu ya gutuura na athoni.
Uyu ni unduire witu. Kiria kiratuma andu aya anini mage kuutua wa bata ni hihi kwona ta mathomete muno makageria "ku-ape" maundu ma uthungu.

Hari hindi imwe kwari na uhoro ngatiti-ini ya DAILY NATION na yaheanaga uhoro wa RESEARCH yekitwo Ikoiga. "WHY YOUNG MEN FEAR MARRIAGE"

Magitariria makoiga gitumi kinene ni gukorwo anake ni maretigira kuracia (THE COST DOWRY).

Giki ngwhoka ni gitumi kiria kiratuma ona mahikania ri makarega ugurani.

kana mukwona atia nyumba, Ninjogorete mukaro?

Thayu nyumba

Thengiu ni meciria manyu.
Nii ninyonaga uhoro uyu wa kugurana ukinyanirite muno. Na mahinda maingi ona andu aria maraubinga matiri na gitumi. Maigaga ati mburi itituire. No andu nimetikirite gutara mburi ta mbeca, kwa muhiano. Na nituui tariu ona noutarirwo mburi-ime-kwa-igana. Niku mburi yumaga igana? No mitugo itu niirekira gucenjia na mahinda. Kwoguo tutiri o haria twaumiriire.
Kwoguo kuuga ati kuracia ni kuhunia ukoroku wa ithe wa muiritu ni kuhitia.
Ningi ciikaro ciothe cia uthoni irehaga nyumba hamwe, andu makamenyana na tugakuria bururi.
Mundu ndangigurika kia ma. Gutwara indo ni gutwara na mbere witikio witu wa utugi gigikuyu. Na ningi nigukiri mundu muhe gitiyo ta muthoni?

Ithayo, akari na ngombo ni andu amwe marahura mitugo itu.

Aria twirutiire guturia unduire, nituragame na hinya.

Thayu andu aitu.

Athuuri,
Woni wakwa ni ati uguranire wa Giitene nduri na mweke muikarire-ini wa kiiriu. Gitumi ni tondu aanake a Giigikuyu nimaraguna na nja, onao airiitu a Giigikuyu makaguruo na nja. Urihi wa ruraacio nikirituhiite muno makiria tondu wa utiganu wa kiimutugo.

Ningi rekei twarie kihooto. Ona ng'ombe ungimihaka rangi ndingituika ng'ondu. Ndirenda kuuga ati ruracio ni biacara, ona twageria kurega. Ninjiguite maita maingi aciari a muiriitu makigiria mwana wao ahike tondu mwanake ndari na ruraacio.

Undu ungi wanduire nda ni ati kuri kanda yoire muiritu na makiambi aguikara ta muthuri na mutumia (kana mutimia ta uria Wa Wakuru maugaga)Kwa mutino muiriitu agiitwo, na aciaria a muiriitu ucio makiuga ati mwanake ndangithika muiriitu ati tondu ndaaraacitie.

Heheee.. Sajini, angikorwo nduri wakinyia ikinya kwa athoni aku, noukimenyekane. Kai mundu wa Ngai atari kwiyaria. Andu aria maigaga mwana wao ndekuhikira athini ni ahahami... na akoroku. No ungirora wega, ona irihi ria ruracio ti rimwe. Mundu etagio miti iria angihota gutua.
Ngurie Sajini, ungikanagurana Gikuyu ini... niugathii gwa athoni aku?

quote:

Originally posted by W@naruona:
Heheee.. Sajini, angikorwo nduri wakinyia ikinya kwa athoni aku, noukimenyekane. Kai mundu wa Ngai atari kwiyaria. Andu aria maigaga mwana wao ndekuhikira athini ni ahahami... na akoroku. No ungirora wega, ona irihi ria ruracio ti rimwe. Mundu etagio miti iria angihota gutua.
Ngurie Sajini, ungikanagurana Gikuyu ini... niugathii gwa athoni aku?

Tiga ciaca W@naruona
No reke ngucokerie amu kiuria gitiohanagirwo. Nii njugaga gutiri undu utagarurukaga. Ruracio rwari rwega hindi ya tene, riria urumwe wa nyumba wonganaga hamwe nigetha maaraaramie nyumba yao. Kuoguo mwanake angiakorirwo atari na mburi niteithagio ni nyumba yake nigetha onake agie na mucii. No thiku ici maundu nimagarurukire, andu matihikanagia gutheremia nyumba yao, mahikanagia ni wendo, na ungiingiria mbeca kana mburi mathabu-ini ma wendo niwathatia maundu. Ruracio rutiri bata. Kiria kiri bata hari nii ni gikeno na thayu hari mwanake na muiritu, no ti hari aciaria a mwanake kana muiritu.

Ruracio rwari ta incuarandi "insurance" hari mwanake ati muka wake ndangiukira kirooko kimwe auge ndakenjerwo mbui kwa murume, tondu undu ucio niungiagiririe agie na njiaro. No gwa kihinda giki tondu andu marahikania umuthi na magatigana ruciu hatiri bata wa inicuarandi iyo, nokio ruracio rutari na bata. Niuui kibiacara-ini kungikorwo na "risk" nene andu a inicuarandi nimaregaga kuigira indo inicuarandi. Kuoguo tondu wa uria utooi hana nimuugutuurania na mutumia kana muthuuri waku ri, hatiri bata wa kuiga inicuarandi. kana ni atia?

Wanjuria kana no thii gwa athoni. Ingikorwo ni nyendete muiritu wega no thii no ndingithii ni kwenda gwakwa, ingithii o tondu niarenda thii. Angikorwo undu ucio uri na bata hari we ndingimuima gikeno giake. Gitumi ni tondu hingo ciothe tutiikaga maundu maria twendete guika, no tumeekaga tondu turi muingi-ini na no muhaka tukinyanire makinya maria aria angi marakinya. No kai nii ingiurio, ndauga ruracio ruhurwo marubuku.

No uguo ti kuuga ati gutiri undu tunginyitanira na athoni. Mangiinjita ndimateithie kwa njira o yothe ndingicooka na thutha angikorwo ndi na uhoti.

Kiuria nindacookia?

This message has been edited. Last edited by: sajini,