Ngwendaga kuuga kuri gitumi na mawega ma kurumirira unduire witu.Nitutige guchambia unduire witu niundu wa kaundu kamwe kana twiri.Niamu turi guku kwa nyakeru nituonaga maundu magatumakia ma mitugo yao no tutihuthagira maundu macio guchambia unduire wao.
Uguo ti kuuga tutuike ngombo cia unduire witu no ni kwagiriire tuitiire ugikuyu witu oria mundu angihota.Nie nguga kiria mundu akwenda kuracia gikamukiruo ni aciari a muritu.Nao anake makahe athoni ao gitiyo gia kurera muiritu na kuracia na wendo.
Ona cira wa athuri tutigate,okoraguo wi murio muno andu maki thogorana('negotiate'). Ugiaga tuthee tukigamba "Hii indui njamba ichio nichia tuthithinia!".
Kuri na thayu,uiguano na ukiriria ruracio ruri gikeno kiingi muuno.Andu othe makenaga makamenya na kahinda keega muuno nyumba igiri kumenyana.Wambe umenye ati thiku ichi andu nimacherire,Kiritu na kahii tugathoma kamwe kaumite gachagi ka ndutu Kirinyaga thiini nako karia kangi kaumite gachagi ka Ndaa kabete ndooro-ini.Tugachamania Nairobi wira! Riu gaka gakoraguo ge kahinda kega muuno andu aya gutungana na kumenyana!!
Njuria ngwire ni tuiritu tuigana ndachamanirie natuo hingo ya uthoni wa ma-mama na ma-tata akwa. Wee kwari mwago muno!!

This message has been edited. Last edited by: Ngii Ndune!!,