|
Go
 |
New
|
Find
|
Notify
|
Tools
|
Reply
|
|
|
Silver Member |
Thaburi 37.25
Ndari Munyinyi, na riu ndi mukuru, na ndiri ndona mundu muthingu atiganiirio, kana mbeu yake ikihoyanga irio Thaburi 42.1 O TA thwariga riria iraaniria ithima cia mai-ri, no taguo ngoro yakwa irakwaniria we Ngai. Thaburi 50.10 Nigukorwo nyamu ciothe cia githaka no ciakwa, o na mahiu maria me ng'ongo ngiri na ngiri. Thaburi 50.15 Ningi muthenya uria ukona minyamaro, ngaira; ningaguthara hari yo, nawe ukingooce, Thimo 3.12 Nigukorwo Jehova aruithagia uria endete, o ta uria ithe wa mundu aruithagia muriu o ucio ekenagira. 2 Akorintho 10.4-5 (Nigukorwo indo iria turuaga mbaara nacio, ti iria cia muthemba wa umwiri, no ni iria iri na uhoti na undu wa Ngai wa gutharuria ihingo iria ciakitwo cia hinya). Ni gutharuria tutharuragia maundu ma mwiiro ma ngoro, o na kindu o giothe kiria giitugiritie na iguru gituike ta rugiri rua kugiria uhoro wa Ngai umenyeke, na tugataha meciria o mothe matuike migwate ya gwathikira Kristo; Ahibirania 4.12 Ni undu uhoro wa Ngai wi muoyo, na wina uhoti, na wi na uugi gukira ruhiu o ruothe runoretwo miena yeri, ugatheca ugakigayukania muoyo na roho, o na ugaatia mithimo na ukagayukania mahindi na maguta, ningi niuhiuhaga gukuurana meciria ma ngoro o na uria iciriire gwika. 2 Timotheo 3.16-17 Uhoro o wothe wandikitwo maandiko-ini niwekirirwo ni Ngai ngoro-ini ya muwandiki, na wina kiguni uhoro-ini wa kurutana, na wa kumenyithia andu uuru wao, na wa kumakaania, o na wa kumamenyithia mituurire iria iringaine na uthingu; Ni getha mundu wa Ngai atuike mukinyaniru o gukinyanira, na aikarage athagathagitwo kuna, niguo arutage wira uria wothe mwega. Jakubu 1.27 Undini uria wonagwo ni Ngai, o we Ithe witu wi mutheru, na utari muthuku niguo uyu atiri, ni guthiaga kurora ciana cia ngoriai na atumia a ndigwa hindi iria mathinikite, na ningi ati mundu eikaragie guku thi ateguthukio n aimeni iria njuru ciakuo Jakubu 2.14-17 Ariu a Baba, gukiri na uumithio uriku, mundu angiuga ati ari na witikio, no ndari na ciiko njega ekaga? I, witikio ucio wakihota kumuhonokia? Muru wa Ithe witu kana Mwari wa Ithe witu angikorwo ari njaga, na aagite irio cia kuria o muthenya o muthenya-ri, na umwe wanyu amere atiri, Thiii na uhoro, mugote mwaki na mukarie, muhune; na ndamahe indo iria mabatairio nicio cia mwiri, gwika uguo-ri, kwina uumithio uriku? Uguo no taguo witikio, utari na ciiko njega, ni mukuu guo mwene. 2 Akorintho 11.14-15 Naguo uguo ti uriru, nigukorwo Shaitani o nake niehananagia na muraika wa utheri. hakiri uguo-ri, ti undu munene ndungata ciake nacio igikoruo ciihananitie na ndungata cia uhoro wa uthingu. 1 Samueli 15.22-23 Samueli agikiuga atiri, Anga Jehova akenagio muno ni mahaki ma njino na magongona ta uria akenagio ni gwathikira uuge wa Jehova? Atiriri, gwathikira Jehova nikuo kwega gukira magongona, na kumuigua gugakira maguta ma ndurume. Ni undu-ri, uremi uhaana ta wihia wa kuraguranira, nakuo kwaga gwathika ni ta waganu, o na kana kuhoya mihianano. 1 Samueli 15.29 Ningi-ri, we uria witagwo Hinya-wa-Isiraeli ndari hingo angihenania, kana ericukwo, ni undu we ti mundu ati niguo ericukwo. *********** Ahibirania 13.8 "Jesû Kristo atûûraga atekûgarûrûka, ira na ûmûthî, o na nginya tene na tene." |
||
|
|
Silver Member |
Isaia 64.6
Ni gukorwo ithuothe nitutuikite o ta mundu wina thahu, o naguo uthingu witu wothe utarii o ta nguo thuku muno; na ithui ithuothe turahoherera o ta ithangu, namo mehia maitu magatuhuruta o ta uria ruhuho ruhurutaga maragara. Isaia 66.1-2 Ningi Jehova ekuuga uu: Iguru nirio giti giakwa kia unene, nayo thi niyo giturua giakwa kia maguru; hihi mugakinjakira nyumba itarii atia? Kana hihi ni taha hangituika hakwa ha kuhuruka? Ni undu-ri, indo icio ciothe ciathondekirwo ni guoko gwakwa, nikio ciagiire igagituura i kuo; uguo niguo Jehova ekuuga. No riri, mundu uyu nowe nguiguira tha, o we uria uikaraga enyihitie, na akagia na ngoro iherete, na akainainio ngoro akiirutaniria ni gutia uhoro wakwa. Aroma 3.23 Nigukorwo andu othe manahitia, magakiaga gukinyira riri wa Ngai. Mathayo 12.51 Anga mukwigereria ati njukite kurehe thayu thi? Ngumwira atiri, Tiguo, no makiria ni nduikano: Tondu kuuma riu, nikurikoragwo andu atano a nyumba imwe matuikanite: Atatu magakararia eri, nao eri makararie atatu. Nao magakorwo matuikanite uu: Muthuri na muriu, o na muriu na ithe; ningi mutumia na mwari, o na muiritu na nyina; na ningi nyaciara na mutumia wa muriu, ningi mutumia wa muriu na nyaciarawe. Mathayo 7.15-23 Wimenyagirirei anabii a mathara, aria mokaga kuri inyui mekirite njua cia ng'ondu, no thiini makorokete ta njui. nimurimamenyaga niundu wa maciaro mao. Kai thabibu ituagwo ciigua-ini, kana nguyu igatuwo mahiu-ini ma nyeki? No taguo o muti uria mwega uciaraga maciaro mega; naguo muti uria muthuku uciaraga maciaro moru. Muti uria mwega ndungihota guciara maciaro moru, kana muti uria muthuku uhote guciara maciaro mega. O muti uria utaciaraga maciaro mega nigutemwo utemagwo ugaikio mwaki-ini. Uguo noguo murimamenyaga niundu wa maciaro mao. To mundu uria unjitaga, Mwathani uyu, Mwathani uyu, ugatonya uthamaki-ini wa iguru; no uria wikaga uria awa uria wi iguru endaga. Muthenya ucio andu aingi nimakanjuria Mwathani uyu, Mwathani uyu, githi tutiigana kuratha mohoro na riitwa riaku? Na hindi iyo ningamoimirira ndimere atiri, Gutiri hindi ndamuui; umai kuri nii inyui muikaga maundu ma waganu. Mathayo 7.24-27 Ni undu ucio-ri, o mundu uria uiguaga mohoro macio makwa, na ageka uria njugite, ni wa kuhaananio na mundu muugi, uria waakire nyumba yake iguru ria runyanjara: nayo mbura ikiura, na ruui rukiiyura, o na ruhuho rukihurutana, nacio ciothe ikigutha nyumba iyo na nditi; nayo ndiigana kugua, ni undu gitina kiayo giakitwo iguru ria runyanjara. No riri, mundu uria uiguaga mohoro macio makwa, na ndeke uria njugite, ni wa kuhaananio na mundu mukigu, uria waakire nyumba yake iguru ria muthanga: nayo mbura ikiura, naruo ruui rukiiyura, o na ruhuho rukihurutana, nacio ciothe ikihura nyumba iyo na nditi, nayo ikigua; na kugua kwayo kwari kunene. *********** Ahibirania 13.8 "Jesû Kristo atûûraga atekûgarûrûka, ira na ûmûthî, o na nginya tene na tene." |
|||
|
| Powered by Social Strata |
 | Please Wait. Your request is being processed... |
|