Kamaru nguona ta onete maundu maya turona umuthi guku Kenya hingo iria ainire atiri;

Ni Kenya iria yakwa twahuragirwo?
Kana ni iria iitu mwahunyirira,
Yainainio ta thaara ta itari mwene,
Kuuma umuthi Kenya ngumene Ngai!

Nguria yahurirwo ngengere niki?
Akorwo iri thiiri ni njirwo ndihe,
Tondu uriria wari ho ni twarihire,
Na thakame nyingi Ngai arokumio!

Nduire njetereire munyumburire,
Tharaita ino ni iriku itari mutegi?
Na mwacugia ndeto yanyua kagera?
Na iri kuonwo ni aka ndiri yerica!

Nguigua ta ingirira ndaririkana,
Tuguikeirie miti ugatutetere,
Na riu ni Kenya woha mugoto,
Nguuria ukumiendia ku Kenya ya Ngai?

Murata kai utangiringwo ni tha?
Ni ciana na athuri ona atumia?
Korwo waari Nairobi hindi ya "power" (1982 coup)
No umenye uthamaki ni wa Ngai!

Nguuria uthamaki uyu umukinyite ku?
Na gutiri ungithamaka ta Ngai?
Mbia muri nacio na ithaka nene,
Wakahare akuire agicaria ngemi!

Murata ngwenda wiyurie na ngoro,
Mbaara ingiturika we tondu uri mbia,
Ni ukuhaica ngrawa na ithui tuthire,
Uriathaga miti kana ni nyamu?

Atongoria kai mwariganirwo?
Ni kirumi kia Jomo uria uri irima,
Kenya ti muiritu munyuire njohi,
Uria umikundite atahikio narua!

Niguo mwitikie Kenya ni ya Ngai,
Mata mari ruhi ndikuongerera,
Mwendia wa bururi utari na ithigi,
Thigira wake nginyite na ikinya!

"Ngai twakuhoya utuhugukire,
Tuika Muthamaki utuonie njira,
Tondu nguona kenya ta iri na ihoe"
Na inyui makanitha muhoe muno!

i really love the words of this song.it is so deep!
what is the title and album? i would love to have it.

Kenya ni ya Ngai

Ni rwimbo rwega.