Ari na ariu aitu nindamugeithia,

Ndauga nyanjiririe ndereti ino nigetha turirikane kahinda karia twari cukuru. Ni kahinda kega ga kuririkana mawega wonire cukuru na mauru makuo. Ona wakorwo kuri mwarimu waguikire kaundu utakariganiruo, gaka ni kamweke kega ga gutuira.

Nii ndirikanaga turi kirathi kia mbere (std. 1) tuandikaga thi na kara looool (nuu uranjigua haha? nuu wanandika tiiri-ini ati a, b, c.... a, e i, o....?) Riu turi o kirathi kiu ri, kwari mwarimu wari muru muno ta njuki kana thitima. Eraga mundu "bend bend" ati uinamirire akuhure. Riu ithui na niui githungu giokire na meeri na thamaki ona itiui gukiaria ri, twamutuite "bedi bedi" ha ha ha!!! Riu muthenya umwe nituokire turi acerere na ariu a maitu eeri mari cukuru nene (upper pry) tugikiruo "bend bend!" nii kai ndakiui ciana cia wanu (one) itiahuraguo ni gucereruo. Nii ngikiinamirira. Rekei ndimwire, ndaigiriiruo muiko (ahuraga andu na muiko) ngiigua ta kurainwo. Kuma muthenya ucio ndiaumire njereirwo ona muthenya ona umwe kinya ngirikia cukuru na umuthi uyu unginjira tucemanie 4.37, njukaga 4.37 ni githomo kiria ndathomithirio ni "bedi bedi". Mwarimu uyu ti Mr. Ndegwa ni we wathomithirie githungu kiria njaragia umuthi na nindimucokagiria ngatho na nagmuhoera ature matuku maingi ateithie bururi uguo atuteithirie. Reke he mundu ungi kamweke aheane gake ni ngucoka na turugano tungi thutha-ini.

Wa Wakuru,
We nĩwacereirwo hanini rĩrĩa twacenirie Gicuka.

No nĩwangenia nĩ kũndirikania ũhoro wa cukuru. Niĩ nĩndaandĩkire tĩ-riinĩ itanahaica ndebe.

No nĩtwarĩ na Mwarimũ wetagwo 'Mbendũũba'. Gĩtũmi nĩ tondũ eeraga mũndũ aingĩre 'njoku' ta arakamwo, akamũgũthũkĩra "bend over!" no nĩũkiũĩ tũtingĩahotire kuuga bend over, kwoguo mwarimũ ũcio akĩbatithio 'mbendũũba'

No ũcio aarĩ mwegega tondũ kũrĩ ũngĩ twetaga mang'ing'ita. Ucio kĩhĩĩ kĩngĩamũrakaririe akĩoyaga na igũrũ agakĩgariũrania na agakĩrũma thende na kanua. Hĩndĩ ĩyo thende cietagwo 'nyama ya thirikari'.

Nĩtondũ wa mũtugo ũcio wa kũrũma nyama ya thirikari, mwarimũ ũcio agĩtuwo 'man eater' no twana tũria tũnini twa wanu tũtiahotaga kuuga maneater, kuoguo tũgakiuga mang'ing'ita. Mũthenya ũmwe kĩhĩĩ kimwe nĩkĩaiguire ruo mũno nginga gĩkĩmũthurĩria o hĩndĩ akĩrũmĩĩte, ngũkwĩra kĩabacanirio thĩ ta mũramba.

Mũnyaka niĩ ndiaumire nũmĩĩtwo.

Atîrîrî Wa Wakuru na Sajini,onaniî nîndandîkire na kara. Nawahota kwandîka na kara tîrinî ugekîrwo ndebe ûkaheo thirîti.Twonagio mathabu na ndongu.Ngai amûigwîra tha mûkaneo kagoto.

My life in boarding school nîyo itakariganîrwo.Ndathomeire cukuru kûrîa Tetu ya Muhuro ya airîtu.Across our school was a boys school yathomagwo nî tûlittle demons.The strange part was that cukuru yetagwo Kîangoma boys.And they lived up to their school name.

Anake acio moyaga mburi cia neighbours mûthenya magathie kûrîa Nyama choma.Mûrukî ûcio wa nyama choma waiyûraga rîerainî no mata twaitaga.Till the girls decided enough was enough.Somehow someway we were gonna get that Nyama choma.And we did.Please dont ask me how cause I can not tell you.We enjoyed the meat though.One of those few moments in high school that makes you wonder.Could I still be that kid deep in my soul somewhere? I sure hope not.

Nyina wa B na Sajini
looooooool!! mutikangenie ngahuke iniuru ta ndaa ni gutheka! ati thiriti na ndongu na kagoto? lol! kai tuathomagira cukuru imwe tondu o na ithui nocio twaheaguo? kana yari curriculum-ini ya ministry of education? lol! Cukuru ucio wathomagira niwandirikania kanda ingi tuathomaga nayo yari ya "mazira ma gizomo" yaugaga "my sista azomagira sauzi tetuu" ha ha!!!
Ati Sajini wauga mwarimu mang'ing'ita ekaga atia? ha ha ha!!! kai ucio mwarimu atoi ihii itithiaga uthoni acoke ecirie kuruma kihii?

Ndaririkana turi nathari uria tuonete kshs. 3.50 ciohetuo na ngacibu na kahii kangi ii, riu nii tondu ndakiri mucanuku ngikane 1.50 ngitiguo na 2.00. Riu Ndungu ainuka mucii na 1.50 ciake ndagithire akihe Batî (Patrick - lol!) wao gathumuni. Matiagicokire makihitania akimuitia Batî akirira. Riria ithe aiguire makirirania ri, akiuria niki akiruo niki. We we we!! reke guthuke, makioywo eeri makiohuo na mukanda moko ta mabingu makiruo maheane kuria maruta mbeca. mauga makiruo no kinya moke guitu nigetha o na nii heane uhoro gitau. tukiuma hau tugithii gwa kahii kangi getaguo maina konete tukigayana mbeca icio tugikaingata. mbahati kahii kau kona ithe wa Ndungu karugire ta thia twakonaga murimo o uria ungi. Riu gukiaga muira tukiruo tuinuke no Ndungu na Batî makihuruo muno.
Riu undu uria wa magegania wari ati mwene mbeca icio athire kuriboti kwa mukaburu na ikianiriruo kanitha-ini ciothe cia itura riu. Mami niakindihiire no nindahotire kugura mutu wa ngima, mugate na mandathi maigana una na mbeca icio, witikie kana urege.

ngunjiri ni wangenia, wee anga niwacanukite tene, nii twina muuru wa maitu twaheirwo ciringi ithano cia karatathi ni baba auma kugira mucara,tukirana tuthii nduka tukanyue masonda ,tugicemania na muthuuri wetagwo wamuithere, riria onire kanooti kau agitwira tumune atune mbeca nyingi, naithui tugikimune agitunengera mateni na matururu maingi biu ma ciringi igiti na bote,tugitiga kwamba guthii nduka nigukena tukiinuka kuuga uria twaheo mbia nyingi, mami gucitara agitwira turiakigu muno tugithii nake gwetha muthuri uria ,tutiamuonire onekire thutha mutheri na kirihio akihenania ati onire nitugute mbia.

nii ndathomeire thukuru wa bondingi-boarding, waihii theri witagwo michinda kuria warubaga(elburgon)
kiria giatugiagamuno ni ng'aragu na twariaga all mannerofthings kuma nguya,itarariki na mbembenjithi.tworaga thukuru utuku tugathii tauni kugura migate,ndakwira niguo mundu nda kahoywo twarutaga mugate karatathi ukawuikia uriri ugacokaugathondeka sugarsolution yetagwo mchovo ukaria na nduiguonimundu.imaginetha ici ungirwo uriemugate mugima?

Nuu ungiririkana migate ingi yetaguo Eliott? yari miega uu mundu arumaga riithori rikeita. yakoraguo iri karathi-ini ka ngrini. tuoraga thukuru tugathii tukagura turi ihii igiri tukenyurana tukaria ugathira!

Ngunjiri, nindaririkana mugate ucio wa elliot, Wacamaga ta uri na iria na matumbi. Ndariaga nginya ngahuhita.

Nuu ungiririkana mithenya ya mathako? Riria cukuru ciothe cia ndibiconi ciacemanagia kiharo kimwe! Hindi iyo ndainuka nyimbite nda nikuriyania (mitungo, mianga, mandathi, thambutha, igwa!).

hau nima wa cibu,ithui twendagirio nginya ucuru,muthenya ucio preps ndiakarikaga nii imwana guthebea.NGUNJIRI,MUGATE UCIO WARI CAMA NGINYA KIRATAHI kiahanaga ta gikihake wax,na notwakiriaga.

quote:

Originally posted by Wa cibu:
Ngunjiri, nindaririkana mugate ucio wa elliot, Wacamaga ta uri na iria na matumbi. Ndariaga nginya ngahuhita.

Nuu ungiririkana mithenya ya mathako? Riria cukuru ciothe cia ndibiconi ciacemanagia kiharo kimwe! Hindi iyo ndainuka nyimbite nda nikuriyania (mitungo, mianga, mandathi, thambutha, igwa!).

quote:

Nuu ungiririkana mithenya ya mathako? Riria cukuru ciothe cia ndibiconi ciacemanagia kiharo kimwe! Hindi iyo ndainuka nyimbite nda nikuriyania (mitungo, mianga, mandathi, thambutha, igwa!).

ii ma wa cibu ni ma. twaheagwo anga kobole na ma ukugura thabutha, kigwa, maembe, ngario, mandathi, mugate wa mboburo, thwiti, ukaria ugekindira ka! ta muthuri uria urugagiruo cabaci neene ta matu ma njogu!

HINDI YA MATHAKO YAKORAGWO IHANA THIGUKU NI KURIANIA,
NII TONDU NINDATHAGA MATHAKO MA PE. makwinyogonda na gwika munduru,ndoragia magakinyari ni getha ndie glucose,na mugate na sonda.

he he he tigai kunjohora nii ona akorwo ndiri wa tene uguo ri nii nindaririkana twagayanaga iembe rimwe turi imwana ta inya uguo na kiria kinene nikio kiarigagia na kibegu he he he he

he he he nyumba ya mumbi muri kundirikania miaka karundo mihituku.
Mahindaini macio ma tene,kwari na muiritu twathomaga nake wetagwo karo,gwa karo kwari matunda maingi muno ma kahurura.Riu gutiri hindi ya tuhu karo atakuaga matunda,no ndarekagia muhuko ucio nginya tuthii parade.Riu twina imwana ingi nitwamenyete haria karo ahithaga matunda,twataimaga tukiuma parade mahoya ma muico makiugwo twaugagira amen mbere tuikurukite ihenya tukaiye matunda,riu karo angigakinya akoraga hatari matunda nginya agithii staffroom kuga kirathi kina njini.he he twaguaga thii na mitheko